لكل من يخسا الهكرز

بسم الله الرحمن الرحيم


لكل من يخشى الهكرز والاختراق لازم يعرف سر او حكاية الاختراق
عشان تحمي جهازك من عبث الاخرين لازم تعرف الهكرز شيسوي وشنو يحتاج عشان يدخل جهازك
طبعا انا ماراح اشرح طريقة الاختراق لا انا بقولكم شنو يحتاج الهكرز او المخترق
لازم تعرفون انه بالنت في انواع للفايروسات
في باتش(باك دور) وهذا يحتاجه المخترق عشان يدخل جهازك وهالنوع يوصلك على عده صيغ مثل exe-scr-bat وفي صيغ ثانية بس هذيل الي متذكرهم ودائما احجامهم ماتوصل الى 500 كيلو بايت دائما تحصلهم اقل من هالشي
وفي فايروسات وهذي يسمونها (دوده worm) وهذي تعتمد على ثغرات النظام واو بالانتشار عن طريق الايميلات
او عن طريق ملف او برنامج مصاب وهذي دواها برنامج حماية يكون قوي ويحدث قاعده البيانات باستمرار
وفي السباي وير وهذا النوع مشاكله قويه طبعا مو اقوى من الفايروسات الي اهي الدوده السباي وير
الله يسلمكم ينتشر عن طريق المواقع مثل مواقع الكراك والسريل والمواقع الاباحية وعن طريق برامج
مشاركه الملفات مثل الكازا وغيره .
نرجع للباتش والباك دور .
الكمبيوتر المتصل بالنت مثل البيت محد يدخله الا اذا تبطل له الباب عشان يدخل صح ولا لا
المخترق بيدز لك المفتاح اذا انت استقبلت المفتاح وشغلته صار عنده مفاتيح بيتك كلها (الكمبيوتر)
يصير جهازك لعبه في يده ممكن ينقل من جهازك ملفات وممكن يخرب ملفات وممكن يتجسس عليك ويشوفك شقاعد تسوي وممكن يشوفك شخصيا اذا عندك كام وموصل بالكمبيوتر وومكن يسوي اشياء كثيرة .
مجرد ماتشغل الملف الي طرشه لك المخترق راح توصله تقارير عن جهازك متى دخل النت وشنو الاي بي مالك برسايل على ايميله وبتنلغي عندك الحماية وماتشتغل ولا تقدر تسوي سكان اون لين
وخاصية السستم رستوري قول عليها السلام لانه بتنلغي بعد وشغلات ثانية.
محد يقدر يخترق جهازك الا بامرك انت ولو افترضنا انه قاعدين نكلم هكرز على الماسنجر وقعد يهدد ويتوعد
واوهو ماطرش لك ملف هذا اعتبره انه شلاخ ومايعرف شي لانه عشان يخترق جهازك يحتاج الاي بي ip
واذا بيستخدم الدوس بيطلع له الاي بي مشفر عن طريق الماسنجر يعني يطق راسه بالطوفه احسن
نصيحه للكل : ثبت لك برنامج حماية مع فاير وول قوي ولا تشغل اي ملف ارسله لك شخص مو واثق فيه وحتى لو واثق فيه الا بعد ماتسويله سكان ولو ماصاد شي وانت شاك بالملف لا تشغله وانتبهو مو الملفات الي يحطها اشخاص بالمنتديات لانها اغلبهم يحطون فايروسات او برامج معاها فايروس مرفق بملف واحد

اخيرا تمنياتي للجميع بتصفح سليم وخالي من الفايروسات